Tsakure
Maƙasudin wannan muƙala shi ne ƙoƙarin gano tare da yin nazari a kan matsayin da dabbobi ke da shi a waƙoƙin Shata. Haka kuma, nazarin zai waiwayi wasu daga cikin waƙoƙinsa don ƙyallaro yadda Shata ya yi amfani da dabbobi, tare da fito da wasu daga cikin halayensu ko ɗabi’unsu da zumuncin dake tsakaninsu. Wanda ya yi daidai da tsarin da al’adar Bahaushe take kallon dabbobi. Bayan wannan kuma za a dubi irin gwanecewar da shata ya yi a harkar waƙa ta yadda yake yin amfani da salon sifatawa. Akwai waƙoƙin Shata da dama inda yakan dabbantar da mutum, a wani wurin kuma ya mutantar da dabba. Haka kuma, Shata ya ƙara fayyace matsayin wasu dabbobi, wanda al’adar Bahaushe ta ba su, kuma ya bayyana irin tasirin hakan a rayuwar Bahaushe. Haƙiƙa akwai wasu abubuwan lura a waƙoƙin Shata, da suka taimaka sosai wajen tabbatar da muhimmancin dabbobi a harkar waƙa ko adabin baka, wanda a ƙarshe ya shafi zamantakewar Bahaushe baki ɗaya.
DOI: www.doi.org/10.36349/zwjohps.2025.v04i02.002
author/Mu’azu Sa’adu Muhammad
journal/Zauren Waƙa 4(2) | July 2025 |
